जीवन की राह.

zindagi ek safar hai, safar kade sangharsh ka.
safar mushkilo aur pareshaniyo ka
safar adbhoot sachaiiyo ka
safar saikdo uchaiiyo aur gehraiyo ka
safar anokhi uplabdhiyo ka, ek safar anginat bulandiyo ka.

jeevan k isi safar ko kuch shabdo ki shrinkhla me piroya hai--

nain tikaye manzil par
chala ja raha jaise raahi
kadi dhoop me dekh ke chaya ki parchayi
ruk k na leta angdayi
jeevan naam hai sangharsh ka,
utsah aur umang ka
badi badi kathinaiya aati
kadi kadi chunotiya darshati
aage aage badhna hai rahi to himmat hare mat baitho.

raah pakad kar manzil ki, us par tu chala chal raahi
na rakh aas saralta ki, na ghabra asafalta se raahi,
makdi jab jab jaal chadhi
jaane kitni baar giri
koshish karti rahi akeli
manzil tak pahunchi wo thakeli
himmat aur vishwaas dharo
mehnat aur prayass karo
man ko na dukhi na niraash karo
sukh dukh hai jeevan k pehlu
har padav himmat se paar karo.

nisha lati hai ghana andhera
uske baad hota jag me savera
mann me khushi aur muskaan bikhero
kal subah k pal kaise honge kis ko khabar
inhi lamho me piro lo khushiyo ki yaade amar.


kehta hai ye rahi tumko-
khud me tum vishwaas dharo ,chunotiyo ko sweekar karo
mann ko himmatwan karo
bharpoor prayaas karo

aatmvishwaas aur himmat ko badha e raahi jo karte kamzori kam
kadam safalta chumegi na rahengi aankhein nam.
uche unche sapne dekho fir unko saakar karo.

nain tikaye manzil par chala ja raha jaise rahi, chala ja raha jaise rahi